जयविद्याधर पण्डितका ४ छोरा थिए । उनका जेठा छोरा, सर्वज्ञधर पण्डित, नेपा गाउँ (नेपालको पश्चिम पहाडी जिल्ला दैलेख) मा बसोबास गर्न गए । उनी नेपा गाउँमा बसेका हुनाले उनका सन्तानहरुले आफ्नो थर नेपाल प्रयोग गरेका हुन् । भास्कर पण्डितदेखि मेरो २५ तहको वंशावली यस प्रकार छः

माथि देखिए बमोजिम, डांसु र तारु, दैवुपाध्याका सन्तान, माडीबाट म्यालपानी आई बसोबास गरे । डांसुका २ श्रीमती थिए । पहिलो श्रीमतीका सन्तान चाँपटारीमा बसे भने दोस्रो श्रीमतीका सन्तान म्यालपानी खस्यौलीमा बसे । त्यस ठाउँ भीड भएपछि, केही कटहरबारीतर्फ लागे भने केही म्यालपानीमै रहे । तारुका सन्तान म्यालपानी, पांघर (माडी), तथा खुट्लाम पाल्पामा थिए । पछि उनका नाति, शिरोमणि (मेरो जिजुबुवाका हजुरबुवा) पनि कटहरबारी जानुभयो । धेरैजसो कटहरबारीका नेपालहरुको घर त्यहाँ भएपनि उनीहरु काठमाडौं, रुपन्देही, तथा अन्य जिल्लाहरुमा बसोबास गरिरहेका छन् ।

म श्री रुक्माङ्गत तथा श्रीमती सावित्रा नेपालको जेठो छोरा हूँ । म पाल्पामा जन्मिएपनि, भैरहवामा हुर्किए र काडमाडौंमा अध्ययन गरें । मेरो घर शंकरपुर, लुम्बिनी अंचलको रुपन्देही जिल्लामा पर्दछ ।